აუტიზმის ეროვნულმა ცენტრმა ფუნქციონირება დაიწყო

აუტიზმის ეროვნულმა ცენტრმა ფუნქციონირება დაიწყო

2026 წლის შემოდგომაზე აუტიზმის ეროვნული ცენტრის ტერიტორიაზე, უკვე აშენებულ ექვს კოტეჯში, დაიწყო პირველი საპილოტე პროგრამის განხორციელება აუტიზმის მქონე 18 წლისა და უფროსი ასაკის პირებისთვის.

ცენტრი რეგიონში პირველი სასწავლო-სარეაბილიტაციო კომპლექსია, რომელიც სპეციალურად აუტიზმის მქონე ზრდასრულ ადამიანებზეა ორიენტირებული. კომპლექსის სრულად ამოქმედება ითვალისწინებს 24-საათიანი მონიტორინგის ცენტრის, სხვადასხვა პროფილის სოციალური საწარმოების, ტრენინგებისთვის განკუთვნილი დღის ცენტრის, სპორტული და რეკრეაციული ზონებისა და სხვა საჭირო სივრცეების შექმნას.

ცენტრის მშენებლობა ჩვენი საქველმოქმედო ფონდის მიერ მოზიდული შემოწირულობებით ხორციელდება. ამ დროისთვის შენობების მშენებლობასა და ტერიტორიის ინფრასტრუქტურის მოწყობაში უკვე ჩადებულია 1 600 000 ლარზე მეტი ინვესტიცია.

პროექტის სახელმწიფოებრივი მნიშვნელობიდან გამომდინარე, საქართველოს ინფრასტრუქტურის მინისტრისგან მიღებულია პრინციპული თანხმობა კომპლექსის მთავარი სასწავლო კორპუსის მშენებლობის საკითხზე. ეს მნიშვნელოვანი ნაბიჯია ცენტრის შემდგომი განვითარებისა და აუტიზმის მქონე ზრდასრული ადამიანებისთვის საჭირო სერვისების გაფართოების მიმართულებით.