100%

100%

პროექტი: გაძლიერდი და შეცვალე (19 დეკემბერი 2014)

2008 წელი – პირველი ეჭვი და პირველი დადასტურება… 2010 წელი – მეორე ეჭვი და მეორე დადასტურება… აუტიზმი!..

აღნიშნული წლების სტატისტიკამ – მოსახლეობის 1% – ჩემი ოჯახისთვის სრული 100% შეადგინა.

მერე იყო შოკი, უარყოფა, შიში, აღიარება… და ყოველი ეტაპიდან გამოსავლის ძიება.

ამ გზაზე ბუნებრივად ვხვდებოდი ამავე პრობლემის მქონე მშობლებს, ოჯახებს, ამ სფეროში მომუშავე ადამიანებს. დღეს ბევრ მათგანთან ვმეგობრობ და ისინი ძალიან ძვირფასები არიან ჩემთვის!

აუტიზმის ცენტრი, “პორტიჯი“ (ახლა უკვე ბავშვთა და მოზარდთა კლინიკა), საბავშვო ბაღი, სკოლა, ლოგოპედი. დაძაბული გრაფიკი… არსად დავაგვიანოთ… არაფერი დავაკლოთ… დაფინანსება მოვიძიოთ…

სამსახურსა და საყვარელ კოლეგებთან გამომშვიდობება, შეწყვეტილი რეზიდენტურა…

სად იყო ამ დროს სახელმწიფო?! სადღაც, 70-100 ლარს უკან ამოფარებული და თვალდახუჭული თვლემდა, ვერ/არ გვხედავდა… ვერ/არ გვამჩნევდა…

ბატონებო! თუ თქვენ არ გსურთ დაგვინახოთ, ჩვენ ვერ გავქრებით, ჩვენ ვარსებობთ! საწყის ეტაპზე “ABA” თერაპია დაგვიფინანსეთ, ვალდებულნი ხართ!

ხათო ხავთასი